అక్షరటుడే, వెబ్డెస్క్: టీపీసీసీ ప్రచార కమిటీ ఛైర్మన్, మాజీ ఎంపీ మధుయాష్కీ గౌడ్ ప్రభుత్వ అధికారులపై సంచలన వ్యాఖ్యలు చేశారు. బీఆర్ఎస్ హయాంలో పెత్తనం చేసిన పలువురు అధికారులు ఇప్పుడు ఆ పార్టీకి కోవర్టులుగా పని చేస్తున్నారని ఆరోపించారు. గత ప్రభుత్వంలో ఉన్నత స్థాయిలో పనిచేసిన అధికారులు ఇప్పుడు కూడా అవే స్థానాల్లో ఉన్నారన్నారు. వారు కీలక సమాచారాన్ని ప్రతిపక్ష పార్టీకి చేరవేస్తున్నారని ఆరోపించారు. జీఎస్టీ స్కామ్లో అక్రమాలకు పాల్పడిన మాజీ సీఎస్ సోమేశ్కుమార్ పై చర్యలు తీసుకోవాల్సిన అవసరం ఉందన్నారు. మరోవైపు రాజలింగమూర్తి హత్య కేసులో పోలీసుల వైఫల్యం ఉందని ఆయన పేర్కొన్నారు.
