అక్షరటుడే, వెబ్డెస్క్: కబాలి నిర్మాత, డ్రగ్స్ వ్యవహారంతో విమర్శల పాలైన కేపీ చౌదరి గోవాలో ఆత్మహత్య చేసుకున్నారు. కేపీ(కృష్ణ ప్రసాద్) చౌదరి అనారోగ్య కారణాలు, ఆర్థిక ఇబ్బందులతో ఆత్మహత్య చేసుకున్నట్లు పోలీసులు ప్రాథమిక అంచనాకు వచ్చారు. ఆయన 2016లో సినిమా రంగంలోకి వచ్చారు. కబాలి చిత్రం తెలుగు వెర్షన్కు నిర్మాతగా వ్యవహరించారు. సర్దార్ గబ్బర్ సింగ్, అర్జున్ సురవరం, సీతమ్మవాకిట్లో సిరిమల్లె చెట్టు వంటి సినిమాలను డిస్ట్రిబ్యూట్ చేశారు. సినీ రంగంలో కలిసిరాకపోవడంతో కేపీ చౌదరి గోవాలో పబ్ ప్రారంభించారు. ఆ బిజినెస్లో కూడా నష్టాలు రావడంతో డ్రగ్స్ దందాలోకి దిగారని అప్పట్లో వార్తలు వచ్చాయి. డ్రగ్స్ కేసులో ఆయన ఓ సారి అరెస్ట్ కూడా అయ్యారు. పలువురు లేడీ యాక్టర్స్తో ఆయన సన్నిహితంగా ఉన్న ఫొటోలు అప్పట్లో చర్చనీయాంశమయ్యాయి.
