అక్షరటుడే, కామారెడ్డి: కామారెడ్డి పట్టణంలో గంజాయి విక్రయిస్తున్న ఇద్దరిని పోలీసులు అరెస్ట్ చేశారు. పట్టణ సీఐ చంద్రశేఖర్ రెడ్డి తెలిపిన వివరాలు.. పట్టణంలోని ఇందిరానగర్ కాలనీకి చెందిన మహమ్మద్ ఇమ్రాన్ పాత నేరస్థుడు. దూల్పేట నుంచి గంజాయి తీసుకొచ్చి కామారెడ్డిలో విక్రయిస్తున్నాడు. అదే కాలనీకి చెందిన అన్వర్ను కూడా గంజాయి అమ్మడానికి తీసుకెళ్తున్నాడు. పట్టణంలోని ఓ కల్యాణ మండపం వద్ద వీరు గంజాయి విక్రయిస్తుండగా ఎస్సై శ్రీరామ్ పట్టుకున్నారు. వారి నుంచి 380 గ్రాముల గంజాయిని స్వాధీనం చేసుకొని రిమాండ్కు తరలించినట్లు సీఐ తెలిపారు.
