అక్షరటుడే, హైదరాబాద్: మస్తాన్ సాయి రిమాండ్ రిపోర్ట్లో సంచలన అంశాలు వెలుగుచూశాయి. మస్తాన్ సాయి, అతడి స్నేహితుడు ఖాజాకు డ్రగ్స్ పాజిటివ్ అని తెలిసింది. హార్డ్ డిస్క్ కోసం మస్తాన్ సాయి జనవరి 30న లావణ్య ఇంటికి వెళ్లి లావణ్యపై హత్యాయత్నం చేశాడు. అక్టోబర్ 2022లో మస్తాన్సాయి తన ఇంట్లో ఒక పార్టీ నిర్వహించాడు. ఆ పార్టీలో లావణ్య డ్రెస్ ఛేంజ్ చేసుకుంటుండగా సీక్రెట్ కెమెరాలో వీడియోస్ రికార్డు చేశాడు. నవంబర్లో మరో పార్టీలో లావణ్యకు డ్రగ్స్, మద్యం తాగించి, మత్తులో ఉన్న లావణ్య ప్రైవేట్ వీడియోస్ తీశాడు. ఈ విషయం పోలీసులకు చెబితే, వీడియోలను సోషల్ మీడియాలో పెడతానని బెదిరించాడు. ఈ నేపథ్యంలో మస్తాన్సాయిపై పోలీసులు NDPS సెక్షన్ను జోడించారు.
