అక్షరటుడే, వెబ్డెస్క్: మస్తాన్ సాయి కేసులో పోలీసులు దర్యాప్తు వేగవంతం చేశారు. జ్యూడీషియల్ రిమాండ్లో ఉన్న మస్తాన్ సాయిని వారం రోజుల పాటు కస్టడీకి ఇవ్వాలని నార్సింగి పోలీసులు కోరారు. కాగా డ్రగ్స్ టెస్టులో మస్తాన్ సాయికి పాజిటివ్ వచ్చింది. మరోవైపు ఆయన ఫోన్ను పోలీసులు సీజ్ చేశారు. అందులో వేల మంది అమ్మాయిల కాంటాక్ట్లు ఉన్నట్లు గుర్తించారు. మస్తాన్ సాయి డ్రగ్స్ పార్టీలు నిర్వహించడంపై పోలీసులు ఆరా తీస్తున్నారు.
పోలీసులకు హార్డ్ డిస్క్ అందించిన లావణ్య
మస్తాన్ సాయి కేసులో రాజ్తరుణ్ మాజీ ప్రియురాలు లావణ్య హార్డ్ డిస్క్ను పోలీసులకు అందజేసింది. అందులో డ్రగ్స్ పార్టీల వీడియోలు ఉన్నట్లు సమాచారం. అమ్మాయిలు గంజాయి, డ్రగ్స్ తీసుకుంటున్న వీడియోలు ఉన్నాయని తెలుస్తోంది. కేసులో ఈ హార్డ్డిస్క్ కీలకం కానుంది.
