అక్షరటుడే, వెబ్డెస్క్: ఎమ్మెల్సీ తీన్మార్ మల్లన్నకు టీపీసీసీ క్రమశిక్షణ కమిటీ షోకాజ్ నోటీసులు జారీ చేసింది. కులగణన విషయంలో ఇటీవల మల్లన్న చేసిన వ్యాఖ్యలు వివాదాస్పదమైన విషయం తెలిసిందే. ఆయన వ్యాఖ్యలపై నాయకులు, కార్యకర్తల నుంచి వచ్చిన ఫిర్యాదుల మేరకు నోటీసులు ఇచ్చినట్లు క్రమశిక్షణ కమిటీ పేర్కొంది. ఈ నెల 12లోగా వివరణ ఇవ్వాలని, లేకపోతే కాంగ్రెస్ అంతర్గత రాజ్యాంగం ప్రకారం కఠిన చర్యలుంటాయని హెచ్చరించింది.
