అక్షరటుడే, నిజామాబాద్‌అర్బన్‌: ట్రాఫిక్‌ కానిస్టేబుళ్లు తమ నిజాయితీ చాటుకున్నారు. మోపాల్‌ మండలం కులాస్‌పూర్‌కు చెందిన మంజుల తన భర్తతో కలిసి శుక్రవారం సాయంత్రం నిజామాబాద్‌లోని బందువుల ఇంటికి వచ్చింది. నిఖిల్‌సాయి చౌరస్తా వద్ద తన పర్సు పోగొట్టుకుంది. కాగా.. విధుల్లో ఉన్న ట్రాఫిక్‌ కానిస్టేబుళ్లు శేఖర్‌, ఫయాజ్‌, రాజుకు లభించింది. హెడ్‌కానిస్టేబుల్‌ స్వామిగౌడ్‌తో కలిసి వివరాలు ఆరా తీశారు. శనివారం ఉదయం ఏసీపీ నారాయణ చేతులమీదుగా పర్సును మహిళకు తిరిగి అప్పగించారు.
