అక్షరటుడే, నిజామాబాద్ రూరల్ : రెండు కార్లు ఢీకొని ఇద్దరు తీవ్రంగా గాయపడ్డారు. ఈ ఘటన జాతీయ రహదారి-44పై ఇందల్వాయి మండలం చంద్రాయన్పల్లి వద్ద గురువారం చోటుచేసుకుంది. అదుపు తప్పి ఒక కారు రెయిలింగ్ పైకి దూసుకెళ్లగా ఎదురుగా వస్తున్న మరో కారు దానిని ఢీకొంది. ప్రమాద సమయంలో ఒక కారులో ముగ్గురు, మరో కారులో ఇద్దరు ఉన్నారు. ఈ ఘటనలో ఇద్దరు తీవ్రంగా గాయపడగా స్థానికులు ఆసుపత్రికి తరలించారు. పూర్తి వివరాలు తెలియాల్సి ఉంది.
