అక్షరటుడే, బోధన్: మండలంలోని సాలుర క్యాంపులో విషాదం చోటు చేసుకుంది. గ్రామానికి చెందిన ఇద్దరు యువకులు ప్రమాద వశాత్తు నీట మునిగి మృతి చెందారు. గ్రామానికి చెందిన మనోజ్(24), మనోజ్(21) శనివారం సాయంత్రం సరదాగా ఈవినింగ్ వాకింగ్ కి వెళ్లారు. రాత్రి వరకు తిరిగి ఇంటికి రాలేదు. ఆందోళన చెందిన కుటుంబీకులు గాలింపు చేపట్టారు. ఆదివారం ఉదయం గ్రామ శివారులో గల చెరువు కుంట వద్ద ఒడ్డుపై చెప్పులు, తామర పూలు కనిపించాయి. అనంతరం పోలీసులకు సమాచారం ఇచ్చి చెరువులో గాలింపు చేపట్టారు. మృతదేహాలను బయటకు తీశారు. శవ పరీక్ష నిమిత్తం మార్చురీకి తరలించారు. కేసు నమోదు చేసుకుని దర్యాప్తు చేస్తున్నారు. ఒకే గ్రామానికి చెందిన ఇద్దరు యువకుల మృతితో గ్రామంలో విషాదఛాయలు అలుముకున్నాయి.
