అక్షరటుడే, వెబ్‌డెస్క్‌ : దీపావళి ధమాకా ఆఫర్‌ కింద జియో భారత్‌ 4జీ ఫోన్ల ధరలను తగ్గించింది. ఇప్పటివరకు ఈ ఫోన్ల ధరలు రూ.999గా ఉండగా ఆఫర్‌లో భాగంగా రూ.699కే కొనుగోలు చేయవచ్చని, ఈ ఆఫర్‌ పరిమిత కాలమే ఉంటుందని జియో ఓ ప్రకటనలో తెలిపింది. ఇతర కంపెనీల నెలవారీ రీఛార్జి ప్లాన్లతో(రూ.199) పోలిస్తే జియో భారత్‌ ఫీచర్‌ ఫోన్లు చౌకగా లభిస్తాయని తెలిపింది. ఈఫోన్లతో నెలకు 40శాతం మేర అంటే రూ.76 చొప్పున ఆదా అవుతుందని వెల్లడించింది. రిలయన్స్‌ జియో సిమ్‌కార్డుతో మాత్రమే పనిచేసే ఈ ఫోన్లను రిలయన్స్‌ స్టోర్‌, జియోమార్ట్‌, అమెజాన్‌ వెబ్‌సైట్‌లో కొనుగోలు చేయవచ్చని పేర్కొంది.
