అక్షరటుడే, కామారెడ్డి: ఫేక్ ఫోన్ పే యాప్తో మోసం చేస్తున్న వ్యక్తిని ప్రజలు పట్టుకొని పోలీసులకు అప్పగించారు. ఈ ఘటన సోమవారం కామారెడ్డి మున్సిపాలిటీ పరిధిలోని దేవునిపల్లి గ్రామంలో చోటు చేసుకుంది. కామారెడ్డి పట్టణంలోని గొల్లవాడకు చెందిన ప్రవీణ్ ఫేక్ ఫోన్ పే యాప్ డౌన్ లోడ్ చేసుకున్నాడు. డబ్బులు ఇస్తే ఫోన్ పే చేస్తానని కొందరిని నమ్మించాడు. దేవునిపల్లి గ్రామంలోని ఓ కిరాణా షాప్ వద్దకు వెళ్లి డబ్బులు ఇవ్వండి ఫోన్ పే చేస్తానని చెప్పాడు. దీంతో కిరాణా షాప్ యజమాని డబ్బులు ఇవ్వడంతో ప్రవీణ్ ఫోన్ పే చేశాడు. ప్రవీణ్ ఫోన్లో డబ్బులు సెండ్ అయినట్లు చూపించినా కిరాణా షాప్ యజమాని అకౌంట్లో మాత్రం జమ కాలేదు. దీంతో మోసపోయినట్లు గ్రహించి ప్రవీణ్ను నిలదీయగా అది ఫేక్ ఫోన్ పే యాప్ అని ఒప్పుకున్నాడు. దీంతో స్థానికులు ప్రవీణ్ను పోలీసులకు అప్పగించారు.
