అక్షరటుడే, వెబ్‌డెస్క్‌: బీఆర్‌ఎస్‌ నేత ఆరూరి రమేశ్‌ ఎట్టకేలకు బీజేపీ తీర్థం పుచ్చుకున్నారు. హైదరాబాద్‌లో ఆదివారం బీజేపీ రాష్ట్ర అధ్యక్షుడు కిషన్‌రెడ్డి ఆయనకు కండువా కప్పి పార్టీలోకి ఆహ్వానించారు. ఇటీవల ఆరూరి రమేశ్‌ను బుజ్జగించేందుకు ఎర్రబెల్లి దయాకర్‌ కేసీఆర్‌ వద్దకు తీసుకెళ్తుండగా.. బీజేపీ నేతలు అడ్డుకున్న విషయం తెలిసిందే. అనంతరం ఆయన కేసీఆర్‌తో భేటీ అయ్యారు. అయినా సంతృప్తి చెందకపోగా చివరకు కాషాయ కండువా కప్పుకున్నారు. బీజేపీ నుంచి వరంగల్ ఎంపీ అభ్యర్థిగా బరిలో నిలవనున్నారు.
