అక్షరటుడే ఆర్మూర్: ఆర్మూర్ పట్టణ శివారులోని జాతీయ రహదారిపై గుర్తు తెలియని వాహనం ఢీకొని పోహర్ రమేష్(55) మృతి చెందాడు. పట్టణానికి చెందిన రమేష్ మండలంలోని అంకాపూర్ గ్రామంలో గల క్రషర్లో పనిచేస్తున్నాడు. సైకిల్ పై క్రషర్ కు వెళుతుండగా.. గుర్తుతెలియని వాహనం ఢీకొట్టింది. ఈ ఘటనలో తీవ్ర గాయాలపాలైన రమేష్ అక్కడికక్కడే మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.
