అక్షరటుడే, నిజామాబాద్ అర్బన్: కులగణన సర్వేను సభలో ప్రవేశపెట్టాలని ఎమ్మెల్యే అక్బరుద్దీన్ కోరారు. ఆయన మంగళవారం నిర్వహించిన అసెంబ్లీ సమావేశంలో మాట్లాడారు. కులగణన సర్వే నివేదికను అసెంబ్లీలో చర్చకు ఎందుకు పెట్టడం లేదని ప్రశ్నించారు. అలాగే సమగ్ర కుటుంబ సర్వేను కూడా ప్రవేశపెట్టలేదన్నారు. కేవలం ప్రకటనలతో ప్రయోజనం ఉండదని పేర్కొన్నారు. దీంతో మంత్రి శ్రీధర్ బాబు స్పందిస్తూ కులగణన సర్వేను సభలో ప్రవేశపెడతామని తెలిపారు. వ్యక్తిగత సమాచారానికి సంబంధించిన అంశం కావున.. దీనిని పబ్లిక్ డొమైన్‌లో పెట్టలేదని చెప్పారు.
